PRESENTACIÓN DA NOVA XUNTA DIRECTIVA
E DECLARACIÓN DE PRINCIPIOS
Esta asociación vén de renovar a súa Xunta Directiva mediante
acordo tomado en Asemblea Xeral Extraordinaria, quedando os seus
cargos distribuídos como segue:
Presidente:
Xosé Manuel Sanxoán Caamaño
Secretario:
Antonio Manuel Bermúdez Porto
Tesoureiro:
Roberto Martín Dopico
Vocais:
Estefanía Doce Fernández, Susana Fernández Pereira, Begoña Parra
Vara, Elena Rivas Amieiro, Inés López Pita, Francisco Rodríguez
Pereira e Lorena Dapena Merlán.
Con esta
renovación, que conleva un importante aumento no número de membros
da Directiva, a Asemblea certifica a súa vontade de reforzar este
órgano, co obxectivo de dar continuidade á loita na defensa dos
intereses das familias do CEIP Recimil, do ensino público de
calidade e en contra dos recortes de profesorado sufridos no noso
colexio.
Neste
senso, queremos comunicar que esta ANPA adhírese a exixencia de
rectificación das declaracións feitas polo Director Xeral de
Centros da Xunta de Galicia en Comisión Parlamentaria, manifestada
tanto pola Dirección como polo Claustro de profesores do CEIP
Recimil. Aos argumentos xa desmentidos por estes dous órganos,
queremos engadir, no que respecta á nosa asociación, que a dimisión
da anterior xunta directiva non ten nada que ver cunha suposta
“discrepancia con todo o profesorado polas reclamacións” que
vimos facendo até o de agora. Temos que aclarar que a Consellería
non contactou en ningún momento con esta ANPA para coñecer os
motivos reais desta decisión, información que, por outra banda,
fíxose pública no seu momento, tanto a través dos medios de
comunicación coma das redes sociais pola propia directiva.
Polo todo
isto, esta Xunta Directiva quere manifestar o seguinte:
- Esta
ANPA é unha entidade independente e vai continuar reclamando a
unidade de 3 anos suprimida e a cobertura das dúas prazas de mestre
vacantes, advertindo que non imos tolerar ningunha intromisión nas
nosas decisións internas.
- Nas
nosas reivindicacións contamos co apoio da Federación de ANPASs de
Ferrolterra, así como de diferentes agrupacións políticas e
sindicais de nosa cidade e cun amplo respaldo social (recordamos as
1.800 sinaturas recollidas en contra dos recortes e o acordo do Pleno
do Concello de Ferrol).
- A
ANPA Recimil reitera o seu rexeitamento ás medidas de recorte
aplicadas pola Consellería de Educación e consideramos unha obriga
reivindicar por todos os medios a defensa do Ensino Público de
calidade e universal.
- Anpa Recimil .-
Ningún comentario:
Publicar un comentario